Լաց, լաց, իմ մուսա, մարդիկ չլացին․․․

Վիքիդարանից՝ ազատ գրադարանից
***

Վահան Տերյան


***



Լաց, լաց, իմ մուսա, մարդիկ չլացին
Անհայտ ընկածին…

Օտ՛ար դաշտերում, պաղ կյանքերի մեջ
Ընկնում են անվերջ,

Վաղաժամ մեռնող թերթերի նման
Թափվում են անձայն…

Նոցա արյունից կվառվի մի օր
Վրեժն ահավոր,

Նոցա խոսքերը նորից կըհնչեն,
Կռվի կըկանչեն,…

Կըլինի մի օր՝ զայրույթը կ՛արող,
Երկինք, ծով ու հող…

Լաց, լաց,, իմ մուսա, մարդիկ չլացին
Անհայտ ընկածին,

Ե՛վ քո երգերում, և՛ տխուր լացում
Կոչիր հատուցում։