Երբ թույլ եք տալիս, որ Ձեր ալբոմում...

Վիքիդարանից՝ ազատ գրադարանից
Jump to navigation Jump to search
Հույս «Երբ թույլ եք տալիս, որ Ձեր ալբոմում...»

Հովհաննես Թումանյան

«Կարծեք թե քիչ էր, ինչ որ արեցին...»



* * *


Երբ թույլ եք տալիս, որ Ձեր ալբոմում
Անշնորհքները գրեն և արձակ,
Ինձ այնուհետև էլ ի՞նչ է մնում,
Եթե ոչ այսպես ասել համարձակ,—

Ինչո՞ւ Ձեր ալբոմն, ազնիվ օրիորդ,
Դուք բաց եք անում ամեն մեկի մոտ,
Որոնք ոչ ցանկալ, ոչ հայտնել գիտեն.
Եվ ալբոմն իզուր պիտի մըրոտեն։


1896