Աղբյուրը

Վիքիդարանից՝ ազատ գրադարանից
Jump to navigation Jump to search
Անհաղորդ ժայռին Վարդան Հակոբյան, Երկեր, հատոր Ա՝ Աղբյուրը

Վարդան Հակոբյան

Սպիտակ կեչին
ԱՂԲՅՈՒՐԸ

1.
Ամեն մի աղբյուր
Ունի ծարավն իր,
Եվ հագենում է
Ծարավն աղբույրի
Միայն այն պահին,
Երբ նրա ջրով
Մի վառվող, պապակ
Սիրտ է հովանում...

2.
Մաքուր է միշտ
Ու միշտ խաղաղ:
Չի պղտորվում
Անձրեւներից,
Սելավներից
Չի պղտորվում:
Նայում ես ու
Չես հասկանում.
Քարե ժայռի՞ց,
Թե՞ սրտից է
Այդպես բխում...