Ամեն մի անցնող

Վիքիդարանից՝ ազատ գրադարանից
Jump to navigation Jump to search
Խորհում եմ նորից Վարդան Հակոբյան, Երկեր, հատոր Ա՝ Ամեն մի անցնող

Վարդան Հակոբյան

Ստվերս
***

Ամեն մի անցնող օրվա ձեռք սեղմում,
Մեծահոգորեն ճամփա ենք դնում
Ու չենք հասկանում,
Որ մեզ ենք այդպես մենք ճանապարհում։

Ուրեմն, թող մեզ ներեն օրերն այն,
Որոնց երկարած
Ձեռքերը չենք էլ հասցնում սեղմել
Ու հաճախ օդից կախված ենք թողնում։