Ամոլք հաւատոյ
Ամոլք հաւատոյ եւ պարծանք սուրբ եկեղեցւոյ. եւ հովիւ քաջընթաց երկնաւոր հօտապետին. յառաքելական աթոռ նստար երանելի սուրբ հայրապետ: Մարգարիտ լուսափայլ եւ լուսաւորիչ տիեզերաց. սիւն լուսոյ սրբութեան կանգնեալ ի մէջ Հայաստանեայց. յառաքելական աթոռ նստար երանելի սուրբ հայրապետ:
Հողանիւթ բարունակ եւ բարեխօս առ Տէր վասն մեր. բարեբանող Բանին կենաց եւ պարծանք եկեղեցւոյ. յառաքելական աթոռ նստար երանելի սուրբ հայրապետ: