Անծանոթ աղջկան

Վիքիդարանից՝ ազատ գրադարանից
Jump to navigation Jump to search
Էլեգիա Անծանոթ աղջկան

Վահան Տերյան

Երգ


ԱՆԾԱՆՈԹ ԱՂՋԿԱՆ


Լույսն էր մեռնում, օրը մթնում.
Մութը տնից տուն էր մտնում.
Ես տեսա քեզ իմ ճամփի մոտ,
Իմ մտերի՛մ, իմ անծանո՛թ։
Աղբյուրն անուշ հեքիաթի պես
Իր լույս երգով ժպտում էր մեզ.
Դու մոտեցար մեղմ, համրաքայլ,
Որպես քնքուշ իրիկվա փայլ։
Անակնկալ բախտի նըման,
Հայտնվեցիր պայծառ-անձայն.
Անջատվեցինք համր ու հանդարտ,
Կյանքի ճամփին մի ակնթա՜րթ...


1903