Անունս թողել եմ դրսում

Վիքիդարանից՝ ազատ գրադարանից
Jump to navigation Jump to search
Աչքովս ընկավ մի նետված ջութակ Վարդան Հակոբյան, Երկեր, հատոր Ա՝ Անունս թողել եմ դրսում

Վարդան Հակոբյան

Իմ թխպամած հավատի պես
***

Անունս թողել եմ դրսում,-
բողբոջը պայթելուց առաջ,
գարունը զարթնելուց առաջ
ի՞նչ են հուշում. -
գուցե մի բա՞ն ասի անունս։

Ձեռքերս թողել եմ դրսում,-
պատերը հառնելուց առաջ,
հունդերը ցանվելուց առաջ
ի՞նչ են հուշում.-
գուցե մի բա՞ն ասեն ձեռքերս։
Երգերս թողել եմ դրսում,-
հերկերը հերկվելուց առաջ,
վերքերը երգվելուց առաջ
ի՞նչ են հուշում.-
գուցե մի բա՞ն ասեն երգերս...