Անուշի ալբոմից

Վիքիդարանից՝ ազատ գրադարանից
Jump to navigation Jump to search
«Շնորհավոր...» Անուշի ալբոմից

Հովհաննես Թումանյան

Գրադարանս



ԱՆՈՒՇԻ ԱԼԲՈՄԻՑ


Երազեցի շարունակ
Իմ կյանքի մեջ ես մանկուց,
Ու մընացի միշտ մենակ
Պատրանքի մեջ՝ ես մանկուց։

Ես չըգտա ոչ մեկին
Երազներից իմ շըքեղ,
Եվ ոչ մի մարդ, ոչ մի կին՝
Հերոսներից իմ շըքեղ։

Երազեցի շարունակ

Իմ կյանքի մեջ ես մանկուց,
Ու մընացի միշտ մենակ՝
Պատրանքի մեջ՝ ես մանկուց։


1917