Առտուն

Վիքիդարանից՝ ազատ գրադարանից
Jump to navigation Jump to search
Առտուն

Սիպիլ


Առտուն


Ծագեց արևն հորիզոնեն
Կարմիր, դեղին ցոլքերով.
Մեծ ծառերը շուք ձգեր են
Աղբյուրներուն ջուրին քով։

Կանցնի զեփյուռն ալ խաղալով
Տերևներուն հետ կանանչ,
Ու կփայլին դաշտին մեջ զով
Հասմիկը, վարդն ու կակաչ։

Իր փեթակեն թըռավ մեղուն,
Ծաղկե ծաղիկ կոստոստե.
Ելի՛ր, մանո՛ւկ, մտքով բեղուն.
Կանուխ դասըդ պատրաստե։


1922