Գազել դիվանի (Ջիվանի)
Գազել դիվանի
Շատ քնեցար, սիրելի, լույսը կտուրից անցկացավ,
Մայր մտավ լուսինը, դեմի բլուրից անցկացավ.
Քթոցը այսուհետև էլ չի կարող պատսպարել,
Մի ահագին այծ դառավ, ուլը մսուրից անցկացավ։
Այրի, անբուն, խեղճ հավի ծագերը մեկ-մեկ որսալով,
Կեղծավոր նենգ աղվեսը հաստատ ուրուրից անցկացավ,
Դեպի ծովը հասնելու շտապով արագ վազելով,
Մայր Արաքսը խենթացավ, ահռելի Քուռից անցկացավ։
Լուսավոր ժամանակ է, փոքրը մեծին չի հավանում,
Տես, Ջիվան, զարգացումով հարսը կեսուրին անցկացավ։
1888