Դառն օրերի տառապանքում

Վիքիդարանից՝ ազատ գրադարանից
Jump to navigation Jump to search
Դառն օրերի տառապանքում

Վահան Տերյան


ԴԱՌՆ ՕՐԵՐԻ ՏԱՌԱՊԱՆՔՈՒՄ



Դառն օրերի տառապանքում սրտմաշուկ,
Խավար կյանքի ուղիներում չարակամ,—
Հոգիս լսեց սիրակարոտ մի շշուկ,
Մեկը սրտիս թաքուն ժպտաց. — «ես կըգա՜մ»։

Տրտունջների խավար ու չար վիհերում,
Ուր հոգնատանջ հոգիս թույլ էր ու վհատ,
Մի անկարծ լույս արշալուսեց մութ հեռուն,
Եվ իմ կյանքը դարձավ անուշ մի հեքիաթ…