Աննման Պահարէն, Երեւանի մէջ սեպհական տուն
ունեցաւ: Ստացաւ Հայ Գրողներու Միութենէն: Հայպետհրատը
խոստացաւ տպել կոմիկ դերասանի թատերական
յուշերը եւ բանաստեղծութիւններու ժողովածուն:
Ուրախ էր Պահարէն: Երջանիկ նոյնիսկ, Երեւանի
մէջ եղբայր ունէր եւ եղբօր զաւակներ: Իր կեանքին
մնացորդացը նուիրած էր անոնց:
Հազիւ քանի մը տարի տեւեց այդ երջանկութիւնը:
Օր մը, երբ ես բժշկական ինստիտուտի հինգերորդ
տարւան ուսանող էի եւ դաս լսելու համար կը գտնուէի
Երեւանի 3-րդ մասի 6–րդ հիւանդանոցին մէջ, ինծի
ներկայացուցին հիւանդ մը, զոր ես պէտք է քննէի:
