Արաքսը տեսնելու։Գրիչս մի քիչ լավ չի գրում։Բարևեներ մայրիկին ու Վանյային և ձեզ։
Մոռացել եմ նամակիս վերնագիր դնել։
21. ՓԻԼԻՊՈՍ ՎԱՐԴԱԶԱՐՅԱՆԻՆ
Շուլավեր—–Թիֆլիս
1904թ. օգոստոսի 7
Սիրելի Ֆիլիպ.
Ստացա իլյուստրացիաներդ ու հարցերդ։
Առաջին հարցդ. Ասում ես՝ «Դու քո ճամփեն գընա, քույրիկ», ասել ես մեկին, որին գուցե հարգել ես, բայց իսկի չես գրավվել, չես ուզել սիրել։
Վտանգավոր տեղ ես ընկել։ Այս այն ոտանավորներից է, որոնց մեկնությունը իրենցից շատ ու շատ է երկար, որոնք կենսագրություն ունին, պատմություն ունեն իրենց ետևը։ Այսպիսի ոտանավորների տողերում է, որ թաքնված է լինում բանաստեղծի հոգին։ Եվ դրա համար էլ պետք է ավելացնել—վտանգավոր — բայց լավ տեղ ես ընկել։Ճշմարիտ՝ որ քննադատի համար թանկագին տներ են.
|
Հավասարակշռությունն ու հույսերը կորցրած մարդու խոստո–
