և մյուսը, որ դեռ չի վերջացրել9, ծախեցինք կառավարությանը մի քանի միլիոնով:
Քո «Ուստա Կարոյի» մասին խոսել ենք. իհարկե, կվերցնի կառավաըությունը և կվճարի10: Լեոյի «Հայոց պատմության» շարունակությունն էլ վերցրին11, մի քանի տասնյակ միլիոն վճարեցին12 (ինձ իրենք ասին 50, ինքն ասում է 30), և էսպես էլ ուրիշներին:
Մենք ամենքս լավ ենք: Հաճախ հիշում ենք ձեզ: Իմոնք էլ մեծացել են, որ տեսնես — չես ճանաչիլ: Եվ իմ երջանկության կենտրոնն են դարձել իմ երեխաները, մանավանդ աղջիկներս:
Կարոտալի բարևներ ամենքիս կողմից Սոֆիկին, Չուչիկին13 ու քեզ:
<Հ. Գ.> Ես էս երկու օրը գնալու եմ Թիֆլիս, էնտեղից Երևան14:
396. ԶԱՊԵԼ ԵՍԱՅԱՆԻՆ
Կ. Պոլիս–Փարիզ
Սիրելի տիկին Զապել,
Մեծ ցավով կարդացի Ձեր նամակը1: Եվ շատ ու շատ եմ փափագում տեսնելու Ձեզ լավ օրերի և լավ պայմանների մեջ, որին Էնքան արժանի եք Դուք:
Երանի թե շուտով կարգի գան մեր դժբախտ երկրի գործերը, և, կարծում եմ, Ձեզ համար Էլ միայն մեր երկրում պիտի <որ> ապահով անկյուն գտնվի:
Ցավում եմ, որ չեմ կարող այժմ ևեթ ասել — թե եկեք: Տակավին խառնակ դրություն Է: Բայց Դուք լսած եք, անշուշտ, թե ինչքան լավ վերաբերմունք ունեն այժմյան կառավարությունները թե մեր, թե հարևան երկրներում դեպի գրականությունն