Էջ:Թումանյանի ԵԼԺ հ10.djvu/456

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


Անշուշտ, պ. Ջոլոտարեն էլ ուրախ չի լինի, որ դա կատարվել Է կազակների ներկայությամբ, որոնք պետք Է ապահովեին նրանց քոչվորների ճանապարհը։

Այժմ բոլորն Էլ հավատացած են, որ եթե Պավել Զախարևիչի կալվածքում կազակներ չլինեին, նա այդքան չէր ոգևորվի և չէր համարձակվի մարդկանց ծեծել կամ թե տասնյակներով ոչխար վերցնել։

Եվ մարդիկ ճիշտ են դատում։

Անհամբեր սպասում եմ Ձեր կարգադրությանը։

Իհարկե, Ձեր կինը արդեն Ղարաքիլիսա է։ Ինչպե՞ս դուր եկավ նրան Ղարաքիլիսան[1]։

  1. Ողջույն Ձեր կնոջն ու երեխաներին

1 Միջնադարյան Իսպանիայում հիդալգո կոչում էին մանր և միջին ազնվականության ներկայացուցիչներին։ XIII, XIV դարերում հիդալգոները պատկանում էին ասպետների դասին իրենցից ներկայացնելով ռազմական կարևոր ուժ, իսկ հետագայում նրանք սնանկացել են և աղքատացել, բայց պահել են իրենց ասպետական հպարտությունը։

Թումանյանն այստեղ բառն օգտագործում է փոխաբերական իմաստով, ընդգծելով Բաժբեուկ-Մելիքովի ո՛չ ասպետական, ո՛չ ազնվական արարքը։

2 Կուրտիկ կալվածքում կազակների գտնվելու փաստն ակնարկելով՝ բանաստեղծը ուզում է հիշեցնել, որ իր վատ արարքներով Բաժբեուկ — Մելիքովը համախոհներ ունի կազակների մեջ (տե՛ս հաջորդ պարբերությունները)։ Վերջիններս հայտնի էին իրենց ամեն տեսակ անմարդկային և անօրինական արարքներով (տե՛ս № 1 նամակի № 5 ծանոթագրությունը)։

12. ՍԱՄՍՈՆ ՀԱՐՈՒԹՅՈՒՆՅԱՆԻՆ ԵՎ ԱԼԵՔՍԱՆԴՐ ՔԱԼԱՆԹԱՐԻՆ

Ջալալօղլի — Թիֆլիս

(էջ 19)

Հուլիսի 9

Ինքնագիրը (4 էջ) պահպանվում է ԳԱԹ, Մշֆ, № 604, Անթվակիր է. տարեթիվը որոշվում է բովանդակությամբ հայ — թուրքական ընդհարումների, Ռեզանովին պաշտոնից հանելու հիշատակությամբ։

Տպագրվել է Եժ V, 300։

1 Բորչալուի գավառում տեղի ունեցող ամեն տեսակ հանցագործությունների ղեկավարները 1905 — 1906 թթ. ընթացքում միշտ եղել են Սադխ և Հասան Եդիգարովները։ Չնայած տեղի ազգաբնակչության, առանձին պաշտոնյաների և մտավորականության ներկայացուցիչների հրապարակային