Սկզբում սև ու կապույտ թղթերը պիտի ջոկել, կապույտը բաժանել խաղացողներին, սևը թափել մեջտեղը։ Ապա խաղացողներից մինը կառնի սև թղթից մինը և բարձր կկարդա։
Ով ունի դրա պատասխանը, կպատասխանի ու կծածկի հարցը։ Էսպես կշարունակեն ով շուտ վերջացնի իր ձեռքի թղթերը, նա կտանի։
Սկզբում, մինչև հանելուկների անգիր սովորելը, կարելի է համարներն էլ կարդալ։
Առածը առնված է առակներից, հեքիաթներից և ուրիշ հին զրույցներից՝ նրանց իմաստի խտացումն է կարճ ու ամփոփ ձևով։
Առածը կյանքի երևույթների բազմակողմանի ու բազմադարյան փորձերի վերջնական եզրակացությունն է։
Առածը, ինչպես հնոց խոսք, մեծանաց կամ մեծերի ասած, միշտ ժողովրդի բերանումն է և օրենքի ուժ ու նշանակություն ունի՝ առանձնապես արևելքում։
Ի նկատի ունենալով ազգային առածների ահագին նշանակությունը, մանավանդ երբ մարդ փոքրուց է նրանց ընտելանում, «Մանուկ» ընկերությունը հրատարակում է Հայկական առածների լոտոն, որ մեր երեխաների համար և՛ սիրելի է լինելու և՛ օգտաբեր։
Խաղի բացատրությունը
Խաղում են սովորական լոտոյի ձևով։ Տախտակները բաժանում են խաղացողների մեջ, ապա թե խաղացողներից
