Էջ:Թումանյանի ԵԼԺ հ7.djvu/692

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


1916

<ԳԵՂԱՐՎԵՍՏԸ ՀԱՅՐԵՆԻՔ ՈՒՆԻ>

(էջ 549)

Ողջույնի այն խոսքն Է, որ ՀԳԸ անունից ասել Է Թումանյանը 1916թ. մայիսի 1-ին: Հայ արվեստների նորակազմ միության անդրանիկ ժողովում, որին նախագահել Է Ալ. Շիրվանզադեն, իսկ զեկուցումով հանդես Է եկել նկարիչ Վ. Սուրենյանը (ժողովի մասին հաղորդագրությունը՝ տե՛ս Հր, 1916, 3 մայիսի, № 94)։

Թումանյանի խոսքը հիշողությամբ մեջ Է բերել Գ. Լևոնյանը «Հայրենիքի գեղարվեստը և Հովհաննես Թումանյանը» հոդվածում՝ ԽՀ, 1939, 26 ապրիլի, № 92։ Այստեղից արտատպվել Է ԵԺ VI, 398։ Արտատպվում Է ԽՀ-ից։

<ԳՐԱԿԱՆ ԸՆԴՈՒՆԱԿՈՒԹՅՈՒՆ ՈՒՆԵՑՈՂ ՈՐԲԵՐԻ ՄԱՍԻՆ>

(Էջ 549)

1916 թ. դեկտեմբերի 28-ին, ՀԳԸ արտահերթ երեկույթում Կ. Միքայելյանը բանախոսել Է հայ որբ պատանիների գրական ստեղծագործությունների մասին։ Երեկույթում հանդես Է եկել նաև Թումանյանը: Սա Թումանյանի ելույթի համառոտ շարադրանքն Է։

Տպագրվել Է Մշ, 1916, 30 դեկտեմբերի, № 292, երեկույթին նվիրված հաղորդման մեջ, այնուհետև՝ ԵԺ IV, 467։ Արտատպվում Է Մշ-ից։

1917

<ԽՈՍՔ ՀԱՅԿԱԶՅԱՆ ԸՆԿԵՐՈՒԹՅԱՆ ՀԻՄՆԱԴԻՐ ԺՈՂՈՎՈՒՄ>

(Էջ 550)

1917 թ. մայիսի 31-ին, Հայկազյան ընկերության հիմնադիր ժողովում բացված մտքերի փոխանակությանը մասնակցել են Ալ. Շիրվանզադեն, Ստ. Կանայանը, Հ. Առաքելյանը, Փ. Վարդազարյանը, Ստ. Մալխասյանը, Լ. Շանթը, Փ. Թերլեմեզյանը և ուրիշներ։ Ելույթ Է ունեցել նաև Թումանյանը՝ հիմնվելով իր «Հայկազյան ընկերությունը» հոդվածի դրույթների վրա (տե՛ս սույն հատոր, Էջ 324)։ Նա խոսել Է ընկերության