Մի շարք ոտանավորներ եմ գրում, որոնց ընդհանուր վերնագիրն է «Տրտմության սաղմոսներ»։ Այդ «Տրտմության սաղմոսներից» մի քանիսը այս ձմեռ կարդացի Հայրիկին։ Նրան դյուր եկան և ես խոստացա, որ կուղարկեմ «Արարատին»։
Արդ, ուղարկում եմ դրանցից մեկը՝ «Աստծո սպառնալիքը»։ Խնդրեմ ներկայացրեք Հայրիկին. եթե հավանի և հարմար դատի, տվեք «Արարատին»1։
Խնդրեմ բարեհաճեցեք մի տեղեկություն տալ թե՛ այս մասին և թե՛ հիշյալ երեխայի. իմ հասցեն Тифлис, Бебутовск<ая> ул<ица> № 50, Ованесу Туманяну.
Այժմ ճանապարհորդում եմ դեպի Անի. շուտով կվերադառնամ Թիֆլիս։
Համբուրում եմ Վեհափառ Հայրիկի աջը, մնալով դեպի նա որդիական անսասան սիրով և խորին հարգանքով՝ դեպի Ձեզ՝
159. ՕԼԳԱ ԹՈԻՄԱՆՅԱՆԻՆ
Ղազարապատ — Թիֆլիս
Օլյա ջան,
Քանի ժամանակ է քեզանից նամակ չունեմ. չիմացա՝ երբ գնացիր ամառանոցից, ինչպես գնացիր, առո՞ղջ են արդյոք երեխաները։ Լրագրում կարդացի, որ Բելի Կլյուչի կողմերը երեխանց հիվանդություն է հայտնվել, շատ անհանգիստ եղա, թեև վտանգավոր հիվանդություն չի։
Ախալքալաքում մնացի ուղիղ երկու շաբաթ, բայց երկու օրի նման անցավ, այնքան ուրախ ու զբաղված պահեցին ինձ։ Շարունակ հրավիրված և միշտ լավ խմբերով, իսկ վերջին օրը ընդհանուր ճաշ տվին։ Այժմ մանրամասն գրելու կարիք չկա. որ գամ կպատմեմ։ Այն տունը, ուր ես