Էջ:Ինչ է, ով է (What is, Who is) vol. 4.djvu/358

Վիքիդարանից՝ ազատ գրադարանից
Jump to navigation Jump to search
Այս էջը սրբագրված չէ


1888 թ. Օրբելիների ընտանիքը հաստատվում է Թիֆլիսում (Թբիլիսիում), ուր երեխաները հաճախում են տեղի 3-րդ արական գիմնազիան:
Գիմնազիան ավարտելուց հետո Ռուբեն Օրբելին սովորում է Պետերբուրգի (այժմ՝ Լենինգրադ) համալսարանի իրավաբանական ֆակուլտետում, որն ավարտելուց հետո դասախոսում է նույն համալսարանում: Կարճ ժամանակ անց երկու տարով գործուղվում է Գերմանիա, որտեղ ավելի է խորացնում իրավագետի՛ իր գիտելիքները, ստանում իրավունքի դոկտորի գիտական աստիճան: Գերմանիայից վերադառնալուց հետո նա երկար տարիներ մանկավարժական աշխատանք է տանում Տամբովի համալսարանում:
Սակայն Ռուբենին դեռ վաղուց գրավում էր հնագիտությունը: Բազմաթիվ լեզուների (հայերեն, ռուսերեն, վրացերեն, լատիներեն, հունարեն, ֆրանսերեն, գերմաներեն, իտալերեն, շվեդերեն և այլն) իմացությունը