Էջ:Խաչատուր Աբովյան, Երկերի լիակատար ժողովածու, հատոր 1 (Khachatur Abovyan, Collective works, volume 1).djvu/20

Վիքիդարանից՝ ազատ գրադարանից
Այս էջը սրբագրված է

Առ քեզ հեղինակ մեղու չքոտին
Արթուն հանճարեղն և իմաստնալին
Տես զիա՞րդ կազմէ զխորիսխ իւր մեղրին
Նկարեա՛ ի քեզ զայն նման նմին։

Ի դէպ քեզ վարկեա զմրջիւնն չնչին,
70 Հանճարով լցեալն յսզգս երկրածին
Որ տայ ապացոյց գնդի մարդկային
Վաստակել ջանիւ մինչ կէտ վախճանին։

Վասն այն ահա ես կապեցայ ի սմին
Փոյթեռանդ ջանիւ յայս ջան թանկագին,
Հարի զերգարան իմոյս նուագին
Առաջի վեհիդ տէր իմ տէր անգին։

Ուստի աղերսեմ սուրբ հայր քաղցրագին,
Զհակիրճ այս շնոր տկար իմ գրչին
Իբրև զխորտիկ եփեալ խարուկին
80 Լիցի սրբութեանդ ճաշակ քաղցրագին։

Ցօղեա՛ յայս պարտէզ զցօղն երկնային,
Առ ի բողբոջիլ զշնորհս բանին,
Ի պայծառութիւն քոյոյ վեհ անձին
Ո՞վ հայր պատուական բազմաց ցանկալին։

Վտակ գորովոյդ յիս հովանասցին
Տալով զովացումն ծարաւ իմ սրտին
Որով խնամեալ անձն իմ մեղսագին
Խնդրեցից քեզ կեանս յաւէտ խնդագին։

Ողջ լեր միշտ պսակ Հայկազեան սեռին
90 Բարգաւաճ ալեօք իբրև քոյդ նախնին
Ի պարծանս իմոյ զառամեալ սրտին,
Խաչկայ Ապովեան ծառայիդ յետին։
1824


20