Կամ ի գոգս քո առեալ գգուէիր խնդապատար
Ամփօփեալ զիմ երես, զձեռս և գոտս ի քո ծոց
Պաչէիր, հրճուվիր սեղմեալ զիս հայրաբար,
Կամ պատեալ ի կուրծ քո՝ հանգչէի ի ցաւոց։
Կարմրաշուրթն, մրայօն, աղուակնեայ ծեքունի
Թիկնաւէտ, հսկայաբարձ, ուղղաձիգ, յաղթանդամ,
Ի յաչաց ի շրթանց տես և խօսք հրաշալի, 100
Մեղուածոր կաթէին ի հոգիս իմ դեռաթարմ։
Նեղեալ ի ցաւոց դու գորովասիրտ
Համբուրեալ զտեղիս շրթամբք բուժվիր,
Ի գայթելս անզօր դեռ մատաղամիտ,
Բարձեալ զիս թիկամբք արգահատվիր։
Ել դեռ քսանամեայ սիրտ իմ պատառէր
Փոխել զանկողին առանց քեզ ննջել։
Այլ ք՛ո շունչ քո կեանք առաքինասէր
Ո՛չ ետուն և անդ բիծ ինչ ինձ յայտնել։
Մայր, որդի, քոյր, եղբայր, փեսայ, հարսն միաշար, 110
Եւ ուստերք և դստերք քերց, տատից, հօրեղբարց
Միաշունչ, միակամ, միաբնակ հաւասար,
Ննջէին յառնէին գրկախառն ընդ միմեանց։