եւ Վարդն եւ Շուշանն եւ Ասպուզանն եւ Յասմիկն։ Անիարն եւ Սմնակն, Ներգոյնն, եւ Շարղիտակն եւ Նազրուկն (կամ Մեղբուկն)[1], Հօրօտն, եւ Մօրօտն, եւ Մանուշակն, եւ այլն ամենայն համասպրամ ծաղկանցն եւ ծառոցն բոյսք բոդբոջոցն՝ գարնայնոյն երեւեսցին յետ ձմերանոյ․․
Թէպէտ ստէպ ստէպ իսկ յաշունն հասեալ բոյսաճունքն չոբացեալք տերեւընկէց լինին, եւ պարարեալ ձմեբասունք[2], սառնապատք ձիւնաթաղք, եղեﬓահար խստութեամբ հարեալք գձձին արմատք ծաղկանցն․ եւ կամ բազմակոյտ իﬓ իﬓ դարաստանացն, անտառք բարձրաբեբձ մայրիցն աճեցելոց, ստուարապատ յուրացելովքն, հանդերձ շառաւեղօքն․ սակայն ի ժամանակս գարնայնոյն հասեալք՝ ամպաշաղք, որոտընդոստք, անձրեւաբուղխք, ցօղահարք, ամպասունք (կամ ամարասունք), ի վեր բերեն զիւրաքանչիւր օրինակ բուսոցն եւ տերեւոցն։․․ Նա եւ մանրախոտքն դալարիքն իﬓ իﬓ եւ այլեւայլք որիշ են նմանութեամբ ի միմեանց․ ոբպէս, Լօռն եւ Վարձակն (Վարսակն) եւ կնիւն, եւ որ ինչ նման է սոցա։ Նա եւ սերմանիքն օգտակարք մարդկան․ ոբպէս, Ցորեանն եւ Հաճարն եւ Գարին եւ Կորեակն, Գաւարսն եւ Ոսպնն, Ուլեառն, եւ Որիզն եւ Դկուլն եւ Սիսեառնն. եւ այլ եւս բազում սերմանիք, զորս ի թիւ ոչ ոք կարէ արկանել․ որք իւրաքանչիւր յիւրում ժամու ի գարունն՝ ցուցանեն զյարութիւն իւրեանց, բուսովքն, համովքն, հոտովքն, բողբոջովքն, ծաղկովքն եւ ընտովքն․ տերեւազգեստ զիւրեանց մանկութիւնն՝ ըստ իւրաքանչիւր տեսակի ագուցեալ․․․ Ծաղիկքն եւ ծառատունկքն զարդարին․ իսկ նա եւ փուշքն բուսանին․ ռրպէս, Դժնիկն եւ Տատասկն, Եղիճն եւ Պատեղիճն, եւ Խայթահարն եւ Ժանտափուշն, Տափափուշն, Սրափուշն, Որոմնն, Կայծուկն, Գաղձն, վնասակար, եւ որ ինչ նման է սոցա. եւ սոքա ամենեքեան յիւրաքանչիւր բնութեանն բուսանին։ Իսկ օգտակար ծաղիկքն եւ կամ շառաւեղք ծառոցն դարաստանաց՝ յիւրեանց բնութիւն անգ եկեալ զարդարին ի հասանել գարնայնոյ ժամանակին»։․․․
