Բօլշեւիկները մտան Հայաստան առանց որեւէ ընդդիմադրութեան հանդիպէլու: Մեր կուսակցութեան որոշումն էր սա:
Երկու պատճառ ունէինք այդպէս վարւելու: Մէկ որ չէինք կարող
ընդդիմադրել, եթէ նոյնիսկ ցանկանայինք — պարտւած էինք, ուժասպառ
երկրորղ, յոյս ունէինք թէ Խորհրդային իշխանութիւնը յենւած
Ռուսաստանի վրայ՝ թերեւս կարողանայ կարգաւորել մի քիչ պետական
կեանքը — մի բան, որ մենք ինքներս, մենակ մնացած, չէինք կարողացել
անելու՝ պարզ էր արդէն՝ չպիտի կարողանայինք այլեւս:
Մեր ցանկութիւնն էր. թողնել որ բօլշեւիկները անարգել
կառավարեն երկիրը․ մնալ լօյալ նոր իշխանութեան հանդէպ․ գործակցել
նրա շինարար աշխատանքներին:
Միաձայն չէր այս որոշումը:
Կային անհաշտներ, որոնք ոչ մի լաւ բան չէին սպասում
բօլշեէիկներից, պահանջում էին ընդդիմադրութիւն ու կռիւ, նոյն իսկ
ընդունելով պարտութեան անխուսափելիութիւնը: Փոքր էր սրանց թիւը:
Երբ առաջարկը մերժւեց, ամենից հետեւողականները թողին երկիրն ու
հեռացան:
Կար եւ ուրիշ մի փոքրամասնութիւն, առաջինին հակառակ. սա
ուզում Էր կուսակցօրէն մերձենալ բօլշեւիկներին ու քաղաքական բլօկ
կազմել նրանց հետ: Սրանք առանձնացան, հանդէս եկան «ձախ
Դաշնակցականների» անւան տակ ու բօլշեւիկեան ոգով յայտարարութիւններ
արին, բայց յաջողութիւն չունեցան. բօլշեւիկները
իրաւացիօրէն կասկածեցին սրանց անկեղծութեան վրայ ու երես չտւին:
32. Երկու եւ կէս ամիս (առաջին շրջանում, մինչեւ փետրւարեան
ապստամբութիւնը) կառավարեցին երկիրը բօլշեւիկները:
Լաւատեսների յոյսերը չարդարացան: Այն օգնութիւնը -
քաղաքական ու տնտեսական — որ սպասում էինք Ռուսաստաանից,
չստացւեց: Ապա հաստատւեց մի րեժիմ, որին չի կարելի տալ ուրիշ
անուն, քան սանձարձակ ու վայրագ բռնութիւն:
ԱմԷն մի դիկտատուրա՝ արդէն իր էութեամբ՝ բռնութիւն է եւ
ուրիշ բան չի կարող լինել: ԱմԷն մի յեղափոխական կառավարութիւն՝
կռւի շրջանում՝ հարկադրւած է դիմելու կտրուկ ու ծայրայեղ
միջոցների, — սա եւս մի անխուսափելի անհրաժեշտութիւն է, որ բղխում
է դրութեան էութիւնից: Բայդ բօլշեւիկների բռնութիւնը ու
Հայաստանում գործադրւած միջոցների դաժանութիւնը ունէին մի
առանձնայատուկ գիծ, որ ամենից աւելի գրգռիչ ու անհանդուրժելի
էին, — այն, որ անիմաստ էին բռնութիւնները, աւելորդ ու աննպատակ:
Եթէ բօլշեւիկները առաջին շրջանում ցոյց տային մի քիչ
քաղաքական տաքտ (այնչափ, օրինակ, որչափ ունեցան յետագայում),
սրանց դրութիւնը միանգամայն ապահովւած կլինէր Հայաստանում.
հակադիր ոյժեր, հակառակ հոսանքներ, դաւադրող տարրեր չկային