Ամռան վերջերին դատարկեցինք Զանգեզուրը, Ռամկավար Հանրապետութեան վերջի կայանը:
Հայաստանը խորհրդայնացաւ ամբողջովին:
35. Ո՞րն էր անկախաթեան շրջանում կատարած մեր դիւանագիտական
աշխատանքը դրսի աշխարհում (Պոլսում, Եւրոպայում ու
Ամերիկայում) եւ ի՞նչ արդիւնք էր տւել այն:
Որովհետեւ այս պատմական ամփոփումը — հակառակ իմ
ցանկութեան — երկարացաւ չափից աւելի, կբաւականանամ յիշատակելով
երկու ծայրերը միայն — սկիզբն ու վերջը:
1919 թ. գարնան, Պարիզում, Հանրապետութեան պատւիրակութիւնը,
Ազգային պատւիրակութեան հետ միասին, ներկայացրեց
դաշնակից մեծ պետութիւններին մի յուշագիր՝ մեր պահանջները
Խաղաղութեան Համաժողովից:
Ըստ այդ յուշագրի, հայ պետութեան սահմանների մէջ պիտի
առնւէին.
ա) Անդրկովկասեան Հանրապետութիւնը ընդլայնացրած սահմաններով
(Երեւանեան նահանգը ամբողջովին, Ղարսի շրջանը առանց
Արդահանի հիւսիսային մասի, Թիֆլիսի նահանգի հարաւային կէսը,
Գանձակ նահանգի հարաւ-արեւմտեան մասը):
բ) Թիւրքահայաստանի եօթը վիլայէթները (Վան, Բաղէշ,
Դիարբեքիր, Խարբերդ, Սեբաստիա, Կարին ու Տրաբիզոն, դուրս ձգելով
միայն Դիարբէքիրի հարաւային ու Սեբաստիայի արեւմտեան
շրջանները):
գ) Կիլիկիայի չորս սանջակները (Մարաշ, Սիս, Ճէպէլ-Բերեքէթ ու
Ատանա՝ Ալեքսանդրետով):
Ծրագրւում էր ու պահանջւում մի լայնատարած պետութիւն, մի
մեծ Հայաստան՝ Սեւ ծովից մինչեւ Միջերկրականը, Ղարաբաղի
լեռներից մինչեւ արաբական անապատները:
Ո՞րտեղից ծնունդ առաւ աշխարհակալական այդ ապշեցուցիչ
պահանջը:
Ոչ Հայաստանի կառավարութիւնը, ոչ էլ պետական կեանքին
ուղղութին տւող կուսակցութիւնը՝ Հ. Յ. Դաշնակցութիւնը՝ մտքով
անգամ չէին անցկացրել այդպիսի մի ցնորամիտ, տղայական ծրագիր:
Ընդհակառակը, մեր պատւիրակութիւնը՝ իրբեւ հրահանգ՝ տարել էր
Երեւանից շատ համեստ պահանջներ, համապատասխան մեր շատ համեստ
կարողութիւնների:
Ինչպէս պատահեց, ուրեմն, որ պատւիրակութիւնը ստորագրեց ու
ներկայացրեց «ծովից ծով» պահանջը:
Տարօրինակ ու միանգամայն անհաւատալի կթւի, բայց փաստը այն
է, որ հայկական Պարիզը որոշեց այդ եւ մեր Պատւիրակութիւնը
պարզապէս տարւեց գաղութներում տիրող հոսանքով, ենթարկւեց դրսի