թերցասիրէ ումեմնէ Ասորւոյ․ եւ հաւատարիմ թուեցաւ մեզ ասացեալն։ Քանզի Մեստրայիմդ է Մեծրայիմ, որ իմանի Եգիպտոս․ եւ բազումք ի ժամանակագրաց զՆեբրովթ, որ է Բէլ, եթովպացի գոլ ասելով՝ հաւանեցուցին զմեզ այսպէս հաւաստի լինել, յաղագս բնակութեան սահմանացն ընդ Եգիպտոս։
Յետ որոյ ասասցուք եւ զայս․ զի թէպէտ եւ ամք ժամանակաց ծննդոցն Քամայ մինչեւցՆինոս ոչ ուրեք գտանին թուեալ, եւ կամ թէ առ մեզ ոչ հասեալ, այլ հաւաստեաւ եւ ոչ նորին ինքեան Նինոսի, իսկ մերոյն Յաբեթի ամենեւին ոչ,- սակայն ասացեալ ազգաբանութիւնդ հաւաստի է, երեցունց ցեղիցն մետասան գոլով ցԱբրահամ եւ ցՆինոս եւ ցմերն Արամ․ զի Արայն երկոտասաներորդ՝ է յետ Նինոսի, մանուկ տիովքվախճանեալ։ Եւ է ճշմարիտ, եւ մի՛ ոք յերկուասցի․ քանզի պատմէ մեզ զայսոսիկ ի յոլով իրս հաւատարիմն Աբիւդենոս, եւ ասէ այսպէս․ «Նինոս Ար
