— 16 —
ԿՈՎԻ ՄՍԻ ՅԱՏԿՈՒԹԻՒՆՆԵՐԸ
Միշտ պէտք է թարմ պաշար գնել, մանաւանդ. միսը։
Լաւ կովի մսի նշանները հետևեալներն են՝
1) Միսը չը պէտք է ոչ խիստ կարմիր և ոչ դժգոյն լինի։
2) Ձեռք տալու ժամանակ տեսէք, որ միսը պինդ և առագձական լինի, իսկ եթէ ջուր շատ է պարունակում իրա մէջ՝ նշանակում է վատ միս է։
3) Միսը ամենևին հոտ չըպէտք է ունենայ և եթէ ունենայ էլ՝ պէտք է դուրալի լինի։ Հիւանդոտ կովի միսը դիակի հոտ ունի և երբ տաք ֆրի մէջ գցէք՝ նրանից դեղի հոտ կըզգաք։
4) Միսը չը պէտք է թըմշկած լինի և եփելու ժամանակ չը պէտք է շատ ծանրութիւն կորցնի։
5) Մսի չաղութիւնը պէտք է միջակ լինի, որովհետև չափազանց չաղ և լղար լինելը վատի նշան է։
Միսը լուանալու ժամանակ ջրի մէջ չը պէտք է երկար պահել, որովհետև երեսի հիւթը ոչնչանում է ջրի մէջ, եթէ միսը շատ կեղտոտ չէ՝ աւելի յարմար է մաքուր շորով սրբել։
Ձմեռ ժամանակ, եթէ շատ ցուրտ է, կարելի է միսը 2—3 օրուայ համար միասին առնել, իսկ ամառը անպատճառ ամենայն օր. 2—3 օրուայ համար գնուած միսը պէտք է զամբիւղի մէջ դնել և քաշանել մի հով տեղ, բաց ոչ խոնաւ նկուղների մէջ։
ԵԶԱՆ ԿԱՄ ԿՈՎԻ ՄՍԻ ՄԱՍԵՐԸ
Այս եզան պատկերը ցոյց է տալիս, թէ մսի որ մասը ինչպէս է կոչվում, ինչ բանի է գործածվում և որ մասը լաւ կամ վատ է։
Կովի միսը իւր յատկութեամբ բաժանվում է 1-ին, 2-րդ, 3-րդ և 4-րդ տեսակի։
ԱՌԱՋԻՆ ՏԵՍԱԿԻ ՄԻՍ
1) Մանր կողեր և նրա մասերը՝
ա) Միջի սուկին — դուրս կտրուած, գործ է ածվում ամենալաւ բիֆստէքսի համար։
բ) Դըսի սուկին — դուրս կտրուած, գործ է ածվում աժանագին բիֆստէքսի համար։
