կատարելագործմանն ուղղված քաղաքականությունների մշակման, հարկային և մաքսային վարչարարության արդիականացման, գործարարության կարգավորման բեռի թուլացման, պետական հատվածում թափանցիկության ու պատասխանատվության ապահովման, կոռուպցիայի հաղթահարման, հակամենաշնորհային միջոցառումների արդյունավետության բարձրացման, դատական համակարգի անկախության, ժողովրդավար, ինստ-ների գործունեության և քաղաքաց. ազատությունների ապահովման հարցում։
Ազգ. հաշիվների համակարգի առանցքային ցուցանիշներից է համախառն ներքին արդյունքը (ՀՆԱ), որը համախառն ավելացրած արժեքի և արտադրանքի զուտ հարկերի հանրագումարն է, տնտեսության համախառն առաջարկը։
Աղյուսակ 1. Տնտեսության ճյուղերի իրական աճը 2006-10-ին (ավելացված արժեքով)
Տնտեսության ճյուղը | 2006 | 2007 | 2008 | 2009 | 2010 |
Արդյունաբերություն | -2,5 | 2,8 | 2,1 | -7,9 | 9,7 |
Գյուղատնտեսություն | 0,5 | 10,4 | 3,3 | -0,1 | -13,5 |
Շինարարություն | 37,7 | 18,2 | 11,3 | -42,3 | 3,3 |
Ծառայություններ | 16,0 | 12,5 | 4,8 | -0,1 | 0,0 |
Արտադրանքի հարկեր (հանած սուբսիդիաները) | 14,9 | 35,9 | 17,1 | -20,7 | 20,0 |
Ընդամենը՝ ՀՆԱ | 13,2 | 13,7 | 6,9 | -14,2 | 2,6 |
Աղյուսակ 2. Ծախսային բաղադրիչների տեսակարար կշիռները %-ով՝ ՀՆԱ-ի կազմում (2006-10)
2006 | 2007 | 2008 | 2009 | 2010 | |
Սպառում | 82,3 | 81,8 | 81,8 | 93,9 | 95,1 |
Ներդրում | 35,9 | 37,8 | 40,9 | 33,8 | 31,2 |
Զուտ արտահանում, այդ թվում՝ |
- 15,9 | -20,0 | -25,6 | -27,9 | -27,4 |
արտահանում | 23,4 | 19,2 | 15,0 | 15,5 | 18,1 |
ներմուծում | 39,3 | 39,2 | 40,7 | 43,4 | 45,5 |
Վիճ. շեղում | -2,4 | 0,4 | 2,9 | 0,1 | 1,1 |
Ընդամենը՝ ՀՆԱ | 100 | 100 | 100 | 100 | 100 |
Անկախությանը նախորդող տարիներին՝ 1988-90-ին, Սպիտակի երկրաշարժի, Արցախյան ազատագր. շարժման, դրանց հետ կապված տնտեսական և քաղաքական անկայուն իրադրության պատճառով հանրապետությունում տնտեսական զարգացման տեմպերը նախ դանդաղել, ապա անկում են ապրել (իրական ՀՆԱ-ն կազմել է նախորդ տարվա 94,5 %-ը)։ 1990-94-ին ՀՆԱ-ն կրճատվել է ավելի քան 53 %-ով։ Ամենամեծ անկումն արձանագրվել է 1992-ին՝ շուրջ 42 %, որը ԱՊՀ երկրների նույն ցուցանիշի անկումը գերազանցել է ավելի քան 6 անգամ։
Իրականացված բարեփոխումներից առանձնապես կարևոր էր 1993-ի սեփական դրամ․ միավորի ներդրումը, որի շնորհիվ 1994-ից սկսվել է տնտեսության աշխուժացումը։ 1994-ին իրական ՀՆԱ-ն 1991-ի համեմատությամբ աճել է 5,4 %-ով, իսկ 1994-98-ի տարեկան միջին աճը կազմել է 6,4 %, որն ապահովվել է տնտեսության 5 բազային ճյուղերի (արդ., գյուղատնտեսություն, շին., տրանսպորտ, առևտուր) արտադրանքի և ծառայությունների ծավալների ավելացման հաշվին։
1998-ին ՀՆԱ-ն բնակչության 1 շնչի հաշվով կազմել է 251 հազար դրամ՝ 1995-ի համեմատությամբ աճելով 22,5 %-ով։
1998-2001-ին համեմատաբար ցածր, սակայն աճող տեմպերով շարունակվել է տնտեսական աճը. ՀՆԱ-ի տարեկան միջին աճը կազմել է 5,9 %։ Իսկ 2002-07-ին այն աճել է երկնիշ թվով՝ միջինը՝ 13,1 %-ով։ Արդյունքում՝ 2007-ի իրական ՀՆԱ-ն 2002-ի մակարդակը գերազանցել է 84,8 %-ով (մոտ 9,2 մլրդ դոլար)։
Արժույթի միջազգային հիմնադրամի տվյալներով՝ 2007-ի ՀՆԱ-ի աճի ցուցանիշով Հայաստանը 6-րդն էր աշխարհի 181 երկրների շարքում։
Համաշխ. ֆինանսատնտեսական ճգնաժամի հետևանքով, սակայն, 2008-ի սկզբին տնտեսական աճի տեմպերը նախ նվազել են (մինչև 6,8 %), իսկ հետագայում մեծ անկում ունեցել. 2009-ին երկրում գրանցվել է 14,2 % տնտեսական անկում։
2000-08-ին զգալիորեն փոխվել է նաև բնակչության 1 շնչին ընկնող ՀՆԱ-ի մակարդակը։ Այդ ցուցանիշը, դրամով արտահայտած, 2007-ին 2001-ի համեմատությամբ աճել է մոտ 2,6 անգամ։ Սակայն 2009-ին ՀՆԱ-ն դարձյալ նվազել է, 1 շնչի հաշվով կազմել 2633 դոլար, որը շուրջ 1000 դոլարով կամ 26,2 %-ով