Էջ:Armenian classical poetry vol 1.djvu/1

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


Գ Ո Ղ Թ Ա Ն Ե Ր Գ Ե Ր


***
Երկնէր երկին, երկնէր երկիր,
Երկնէր և ծովըն ծիրանի.
Երկն ի ծովուն ունէր և ըզկարմրիկըն եղեգնիկ։

Ընդ եղեգան փող ծո՛ւխ ելանէր,
Ընդ եղեգան փող բո՛ց ելանէր.
Եւ ի բոցոյն վազէր խարտեաշ պատանեկիկ։

Նա հուր հեր ունէր,
Բո՛ց ունէր մօրուս,
Եւ աչկունքն էին արեգակունք։

***

Քե՛զ ասեմ, այր քաջ Արտաշէս,
Որ յաղթեցեր քաջ ազգին Ալանաց,
Ե՛կ հավանեաց բանից աչագեղոյ դըստերըս Ալանաց՝
Տալ ըզպատանիդ։
Զի վասըն միոյ քինու ո՛չ է օրէն դիւցազանց՝
Զայլոց դիւցազանց զարմից բառնալ ըզկենդսւնութիւն
Կամ ծաոայեցուցանելով
Ի ստըրկաց կարգի պահել,
Եւ թըշնամութիւն յաւիտենական
Ի մէջ երկոցունց ազգաց քաջաց հաստատել։

***

Հեծաւ արի արքայն Արտաշէս ի սեաւըն գեղեցիկ,
Եւ հանեալ զոսկէօղ շիկափոկ պարանըն
Եւ անցեալ որպէս զարծուի սըրաթև ընդ գետըն,
Եւ ձըգեալ զոսկէօղ շիկափոկ պարանըն՝

9