Այս էջը հաստատված է
ինձ, կամ, եթե ցանկանում ես, ինձ մոտ մնա և մինչ մահ փառավոր ապրի՜ր։
- Չէ՛, չեմ ուզում,- ասում է մարդը և հեռանում։
Վերջապես նա պատահում է գայլին:
-Գայլ աղբեր, Աստված ասաց, որ եթե դու մի հիմար մարդու միս ուտես, կկշտանաս։- Եվ մարդը պատմեց իր գլխի անցածը՝ թագավորության, փառքի և ոսկու մասին։
Գայլը մտածում է.
-Այս մարդը ոչինչ չունի այլևս և բավականին ծեր է։ Նրան առաջարկել են թագավորություն, փառք ու ոսկի, չի վերցրել, սրանից էլ հիմար մա՜րդ։
Մինչ այդ մարդը մի քիչ հեռացել էր։
-Էյ, մարդ աղբեր,-կանչում է գայլը և մոտենում,-ոտքիդ թելը բացվել է։
Մարդը կռանում է, որ կապի ոտքի թելը։ Իսկ գայլը, հարմար համարելով և ցատկելով մարդու մեջքի վրա, հոշոտում է հիմար մարդուն։