Ի նկատի ունենալով այդ՝ անհետևանք պիտի թողնել Զեյվա գյուղի դիմումը, ինչպես և նոր հանձնաժողով ուղարկելու առաջարկը։
2. XI. 26
60. ԶԱՆԳԵԶՈՒՐԻ ԳԱՎՀՈՂԲԱԺՆԻՆ
Կենտրոնական գավառագիտական բյուրոյի դիմումի համաձայն, կցված հարցաթերթի ձևով՝ խնդրում ենք հաղորդել մեզ գավառիդ գյուղերում տեղավորված Տաճկաստանի զանազան գավառների նախկին բնիկների մասին մոտավոր տեղեկություններ։
61. <ՀԱՅԱՍՏԱՆԻ> ԺՈՂԿՈՄԽՈՐՀԻՆ՝
<Զեկուցագիր Անդրկենտգործկոմի սահմանագծման հանձնաժողովի գործունեության մասին>
Իմ զեկուցման մեջ[1] գրել եմ սահմանագծման հանձնաժողովի աշխատանքների և այն պատճառների մասին, որոնք առիթ են տալիս դժգոհությունների։
Այդ խնդրի շուրջը լարված մթնոլորտ է ստեղծվել սահմանին կից գյուղերի միջև։ Որոշ տարր աշխատում է օգտագործել այդ դժգոհությունը՝ լարելով գյուղերին իրար դեմ։ Կազմում էին դիմումներ, շատ անգամ այդ բոլոր դիմումները մի ձեռքով էր գրված և միակերպ խմբագրած։
- ↑ 1