Այդ մարմինների խնդիրներն են լինելու՝
ա) Հայաստանի ամառային և ձմեռային արոտավայրերի ճշգրիտ որոշումը, ըստ որում դրանք պետք է դասավորվեն ու գնահատվեն։
բ) Հատուկ արոտավայրերի օրենք մշակելն ու կիրառելը
դ) Արոտավայրերը կիրառելու համար տեղական մարմիններ կազմակերպելը, դրանց վրա հսկելը, ղեկավարելը և ընդհանրապես արոտավայրերի օրենքը կիրառելը։
դ) Հատուկ փորձնական ոչխարաբուծության կայանի կազմակերպությունն ու կառավարելը և այլն» (տե՛ս ԳԿ, 1926, № 1, հունվար, էջ 36)։
2 Ք. Վերմիշյանի «Ոչխարաբուծությունը Հայաստանում» հողվածը տե՛ս ԳԿ, 1926, № 1, հունվար, էջ 36— 46։
3 Յայջի— այժմ Գորիսի շրջանի Հարժիս գյուղը:
4 Խնածախ (Խլաթաղ) — այժմ Ղափանի շրջանի Ձորաստան գյուղը։
5 Քալանթար Ավետիս Հայրապետի (1859—1937), խոշոր մասնագետ կաթի և անասնաբուծության բնագավառում, Տիմիրյազևի անվան գյուղատնտեսական ակադեմիայի պրոֆեսոր։ 1930 թ. ղեկավարել է Երևանի անասնաբուծական ինստիտուտի կաթի ամբիոնը։
6 Հիշատակված ոչխարների ցեղերի մասին տե՛ս Ա. Քալանթարի «Характеристика кавказских пород но овцеводству" (Թիֆլիս, 1913):
ԱԳՐՈՊՐՈՊԱԳԱՆԴԱՅԻ ՁԵՎԵՐԻՑ ՄԵԿԸ
(էջ 195)
Տպագրվել է՝ ԳԿ, 1926, № 4, ապրիլ, էջ 8—10, Ա. Բակունց ստորագրությամբ։ Արտատպվում է նույն ամսագրից։
1 Համահայաստանյան գյուղատնտեսական 3-րդ համագումարը տեղի է ունեցել Երևանում, 1926 թ. մարտի 1—8-ը։
2 Համագումարի որոշումների մեջ սույն հողվածում արծարծված հարցի վերաբերյալ ասված է. «Գյուղատնտեսական խմբակների աշխատանքները նպատակահարմար ձևսվ կազմակերպելու համար անհրաժեշտ համարել հատուկ ծրագիր և կանոնադրություն հրատարակելը»։
3 Սույն հոդվածի գրության տարիներին մոգական լապտերը (կինոխցիկ) շատ մոդայիկ էր և հնարավորություն էր ընձեռում գյուղատնտեսին՝ ձմեռային պայմաններում գյուղացիներին ծանոթացնելու Սովետական Միության և արտասահմանյան օրինակելի սնտեսություններին, միաժամանակ նպաստում գյուղատնտեսական գիտելիքների տարածմանը (որպես մուտքի վճար՝ գյուղացին պետք է գներ 5 կոպեկի գիրք)։
4 Խաթունարխի սոխը այսօր էլ լավագույնն է համարվում ողջ Հայաստանում։
5 Սուդանի խոտը միամյա, երաշտադիմացկուն խոտաբույս է. տալիս է առատ բերք: Հայաստանում Սուդանի խոտ սկսել են աճեցնել 1925 թ. Երևանի շրջակայքում, սակայն այն հաջողությամբ կարող է մշակվել լեռնային և սակավ մթնոլորտային տեղումներով շրջաններում։