Հարգանքներս Վերապատվելի Հ<այր> Անդրեաս և Հ<այր> Արսեն վարդապետներուն։
Համբուրելով Ձեր սուրբ աջը և մաղթելով քաջողջություն
45. ՆԵՐՍԵՀ ԱՆԴՐԻԿՅԱՆԻՆ
Առ Վերապատվելի Հայր
Ներսեհ Անդրիկյան,
Կարդացի Ձեր ողջամիտ գրախոսականը՝ «Սարսուռներու» մասին։ Գուցե Դուք անկողմնակալ քննադատած եք, բայց ես գտա անոր մեջ միշտ բարեկամի մը սիրտը, որուն համար ավելի պարտական եմ իմ շնորհակալություններս ջերմորեն և անկեղծորեն հայտնել։
Հատորիկը արժանի՞ էր այդ քննադատության — չեմ դիտեր — բայց Ձեր քննադատությունը արժանի էր կարդացվելու․ երջան<կություն> է ինծի դեռ ճամբուն սկիզբը գտնել այսպես գոտեպնդող ձեռքեր, անոնց սեղմումին մեջ կզգամ մռայլ բաբախում մը. ապագայի մեծ սա՞ղմն է, թե անցյալի ափ մը մոխիրը — վերջինը, իմ գուցե հոռետես նայվածքով... լռենք...
Կրկին շնորհակալություններ:
Ձեր ցորենը ժայռի վրա չեք նետած։
46. ՎԱՀԱՆ ԹԵՔԵՅԱՆԻՆ
Սիրելի եղբայրակիցդ իմ
պ<արոն> Վ. Թեքեյան,