Էջ:Daniel Varoujan, Colleced works, vol. 3 (Դանիել Վարուժան, Երկերի ժողովածու, հատոր 3-րդ).djvu/70

6. Ի Ջ Ի Ր...

Կը լսեմ ձայնդ, որ կըսե. «Կազմենք ապագային նոր Սերունդը»։

Ապագային Նոր Սերունդը վարն է։

Այդ խոսքը մեջս արձագանք կը գտնե, զայն անդրադարձնելով ուրիշներուն՝ ուրի՜շ կերպով. Լա՜վ կազմվինք ապագային Նոր Սերունդը։

Տուր քնարեդ լար մը լարերուս՝ զանոնք ավելի ուժովցնելու համար․ զի կուզեմ մատերուս բոլոր ուժովը, արյանս բոլոր թափովը, սրտիս բոլոր խանդովը քնարի բոցեղեն զարկ մը մռնչեցնել «Եղիի» ընթերցողներուն, «Փայլակներուն», «Կայծակներուն», «Ֆըշ ֆըշներուն», «Արուսյակներուն» ականջին։ Բոցեղեն զարկ մը մռնչեցնել․ լավ կազմվինք ու կազմենք Ապագային Սերունդը։