և շատ էիք զարմացել (դաշնամուրի առթիվ) և ուրախացել էիք: Աստված բարին կատարի:
Իմ մասին կհարցնեք, գոհություն աստծո, լավ, ուրախ և առողջ եմ: Ժամանակի մեծ մասը տանն եմ անցկացնում (համալսարանում): Ահա երեք-չորս օր էր, ոտքս դուրս չէի դրել: Երեկ շինելս բերին (նստեց յոթը) և երեկոյան (ի՞նչ երեկո, երեքն անց կեսին լավ մութն է), գնացի Սոմովի մոտ, մինչև ժամը ինը մնացի այնտեղ և Հետո տուն դարձա: Սկզբում ընկերներով զրուցում էինք, հետո Թուղթ խաղացինք, հետո մեր մանկությունից ինչ ասես որ չհիշեցինք (խաղաթղթերը նշան դնել և գտնել), այնպես որ, քնելու որ դուրս եկանք, տեսանք որ ժամը ճիշտ երեքն է: Շատ ծիծաղեցինք և այսօր բոլորից ուշ ես վեր կացա։ Ժամը տասին փոխտեսուչն ինձ զարթեցրեց։ Գնացի եկեղեցի, այնտեղից ուղիղ տուն վերադարձա և այլևս դուրս չեմ եկել։
Արևս վկա, ամեն ինչ ճիշտ գրեցի, բայց Ձեզանից բացի, եթե որևէ մեկը կարդա` տաս տարեկան երեխա կհամարեն։ Գիտեմ, որ Ձեզ հաճելի կլինի և ես էլ դրա համար եմ գրում։
Այժմ ուրիշ ի՞նչ գրեմ Ձեզ։
Արի մի փոքրիկ հեքիաթ ասեմ ֆարսերեն լեզվով։ Միքայել ջան, ինչ տառի վրա այսպիսի նշան (') տեսնես, այնտեղ ձայնդ մի փոքր երկարացրու: Այս հեքիաթը Դուք էլ կիմանաք, բայց ֆրանսերենի այս գրքում սրանից ավելի կարճը չկա։
|
