Այս էջը հաստատված է
Մարդ թե գազան իրար նման
Ենթարկվելով դժբախտության
Մեղադրում են մեկը մյուսին—
Հայկն՝ Ամոյին,
Գայլն՝ Աղվեսին…
1909
Անեծք
Երկու հոգի՝
Հայր ու որդի
Խորհուրդ արին
Եվ վճռեցին,
Որ վեր կենան,
Որսի գնան։
Եվ գնացին…
Ու նրես մտան
Մի խիտ անտառ,
Ու երբ գտան
Մի որբ կխտար…
Որդին ասեց՝
Թող ես խփեմ.
Հայրն արգելեց.
Մե՜ղք է, ասեց,
Թող ե՜ս խփեմ.
Թող ես ընկնեմ
Անեծքի տակ,
Եվ ոչ թե դու
Ջահել օրով.
Դու ո′ղջ մնա
Հորով-մորով։