Վիքիդարանից՝ ազատ գրադարանից
Մեզ բարեխօս և միջնորդ բարի,
Ընդ քեզ և խաչըն համաձայնի:
Զայն Յովանա, Պըսակըն նախնի,
Պարթև Գրիգորըն Պահլաւունի,
Գանձիս խնդրողի մասն ի պարգևի,
Վարժապետին մեծին Գրիգորի:
Մատիր յաղերս դու կոյս սըրբուհի,
Խաղաղութիւն շնորհէդ աշխարհի: Ողորմեա:
Խոստովանիմք զՄիածին
Բարձրեալ ի խաչափայտին.
Ետ մեզ նըշան լուսածին,
Որով յաղթեմք բանսարկուին:
Այսօր տօնեմք սուրբ Խաչին,
Աստուածընկալ Նըշանին,
Որ Է բացող դըրախտին:
Գալոց Է յաւուրըն վերջին:
Չըքնաղ լուսով զարդարին,
Ամպօք ընդ առաջ թըռչին
Երկրպագաքըն Խաչին,
Խաչեալ սուրբ թագաւորին:
|
|