— Եթե ձեր սրբազնությունը ինձի սա վիճակիս մեջ օգնե՝ մեծ բարություն մը ըրած պիտի ըլլա։
— Չունիմ տղաս։
— Գուզում սրբազան։
— Չկա տղաս։
— Աման սրբազան։
— Ի՞նչ ընեմ, օրհնած։
— Ճանըմ սրբազան, բան մը ըրե տե, ինչ կուզես նե ան ըրե:
— Չունիմ, զավակս։
— Մաշլա՞խ մալ չկա։
— Մաշլախը ի՞նչ ընես։
— Կը ծախեմ, ստակ կընեմ սրբազան.․․
— Կեցի նայիմ, սատանա, հոս մաշլախ մը կար (կը փնտրե) հա գտա, առ նայիմ։
— Ալ աղեկը չկա, սրբազան։
— Ամենեն աղեկն է աս։
— Շնորհակալ եմ, սրբազան, բայց չկարծեք թե ասիկա իբրև կաշառք կառնեմ, քավ լիցի, ես ատանկ բան չեմ ըներ, և ընողներեն ալ չեմ ախորժիր, ես այս մաշլախը իբրև փոխառություն մը կընդունիմ, քանի ամսեն կամ ստակը, կուտամ կամ.․․
— Չէ՛, չէ՛ թող մեկ նվերս գտնվի մոտերնիդ։
— Ատ ուրիշ խնդիր, ատոր ալ դեմ չեմ գար, միայն թե իս սիրտս հասկցվի, և չըսես թե երթալու օրերս եկավ ինձմե ստակ փրցուց, ո՜հ, ասիկա ծանր կուգա ինձի։
— Հանգիստ եղեք դուք։
— Ծառա եմ սրբազան, երթայք բարյավ, բարի անունիդ չսենք, երբեմն երբեմն մեզի նամակ գրեցե՛ք։
— Շատ աղեկ, շնորհակալ եմ։
— Մնա՜ք բարով, սրբազան։
— Երթա՜ք բարով տղաս։
ՆՈՐ ԹԸՆԵԼ ՄԱԼ
— Ի՞նչ կա, Խիկար։
— Բան մ՝ալ չկա, Բերայի շիտակ փողոցը շինված թընելը գացի քիչ մը։
— Ուրիշ թընե՞լ մ՝ալ բացվեր է։
— Այո՜։