Էջ:Hagop Baronian, Collected works, vol. 10 (Հակոբ Պարոնյան, Երկերի ժողովածու, հատոր 10-րդ).djvu/207

Վիքիդարանից՝ ազատ գրադարանից
Այս էջը սրբագրված է

անձի մը կը պատահիս, շատ մի խոսիր հետը, վասնզի բարձրագույն աստիճանի թռուցյալներեն է։

— Երբ ունիս այնպես բարեկամ մը, որ գույնզգույն հագուստներ հագնելու մոլեգնած Է, տասը տարին անգամ մը և զով եղանակի մեջ աչքին երևցիր։

— Երբ ազդարարություն մը կը կարդաս, որուն մեջ՝ կըսե, թե Շիրքեթի խայրիե՝ Սկյուտար և Արնավուտ քեոյ երթևեկելու համար ընտիր և արագընթաց շոգենավներ պիտի դնե, հասկցիր, որ թե՛ անոր հեղինակը և թե՛ այնպես ազդարարության մը հավատացողները բոլորովին թեթևամիտ են։

— Երբ կը գտնվիս այնպես ընկերության մը մեջ, որուն քաղաքագետ անդամները Արևելյան խնդրույն վերջնական կերպով լուծումը կը հուսան, վստահ եղիր, որ հիմարանոցի մը մեջ ես։

— Երբ երեկոյան Ժամը տասներկուքեն ետքը տուն մը կերթաս ուր քեզի օղիի տեղ գավաթ մը «կազ» կը խմցնեն, հասկցիր, որ գլուխնին ջերմ վիճակի մեջ է։

— Երբ կը հանդպիս գործունյա մարդու մը, որ բոլոր գործունեությունը խել մը ձևերով ինքզինքը գործունյա ծախել է, իմացիր, թե՛ անիկա և թե՛ այնպիսի անձանց հավատ ընծայողներուն բոլորն ալ թեթևամիտ էակներ են։

— Երբ Բերայի շիտակ ճամբան կ՝ելլես և նորաձև ցնցոտի զարդարանք ծախող խանութի մը մեջ կը մտնես ու կը տեսնես, թե Օսմանյան ոսկին 102 ղուրշեն ավելի կառնեն, գիտցիր, որ խանութպանը ապուշ է:

— Ամեն անոնք, որ տասն ու իններորդ գարուն վերջերը ամուսնանալու կը հանդգնին խեղճերը պակաս են։

— Դարձյալ ամեն անոնք, որ անգամ մը ամուսնության վիճակին ճաշակն առած՝ երկրորդ և երրորդ անգամ ամուսնանալ կը բաղձան, շղթայակապ հիմարներեն են։

— Հրդեհ կանչող պահապաններուն արտասանած բառերեն բան մը հասկնալու համար ականջ կախողները, թափյալ ուղեղ են։

— Վերջապես, Պոլսո մեջ մաքուր փողոց և շիտակ ճամբա փնտռողները։

— Քոմեսիոն խանին մեջ խելոք անձ մը տեսնողները։

— Մահկանացու կյանքերնին Սկյուտարի նավավարներուն հանձնողները։

— Ազգերնուս մեջ՝ խոհեմություն, միություն, քաղաքավարություն, ազգասիրություն, գիտություն, գործունեություն,