մեկն ալ տեսա, որ բանթալոնին բաչաները բալթոյին թև կանցուներ կոր, ուրիշ ինչ կուզես, որ ըլլա։
— Ատ ըսածներդ ավելի շռայլության արդյունք են, քան թե աղքատության. մարդ ըսածդ քիչով գոհ ըլլալ սորվելու Է։
— Երիտասարդ և ծեր, ամենքը պարապ կը պտըտին կոր. եթե ես երեսփոխան մը ըլլայի, կառաջարկեի նախ՝ որ պարապ պարտողներուն մեյ մեկ գործ գտնվի։
— Աղեկ որ երեսփոխան չես եղեր, վրադ կը խնդային։
— Ինչո՞ւ պիտի խնդային. Ալի Սուավի Էֆենտիին պես ստուգաբանություն չեմ ըներ կոր ա՛, ժողովուրդը երբ գործ չունի, երկիրը պտուղ չունենար։
— Գլուխ կը ցավցունես կոր։
— Ինչո՞ւ, պիտի գլուխ ցավցնեմ եղեր. Լրագրի պես գուշակությո՞ւն կընեմ կոր։
— Ամեն թերթիդ մեջ ալ Լրագրին գուշակությունը անպատճառ հիշելու ես։
— Ան ալ ամեն թերթին մեջ գուշակություն կընե կոր։ Ըսածս կը կրկնեմ, ամեն բանե առաջ Ժողովրդյան վիճակը բարվոքելու է. հոս կամ գավառաց մեջ գործարաններ հաստատվելու են։
— Սահմանադրությունը հարկավ ատ բաները կը խորհի։
— Գոնե մինչև որ սահմանադրությունը ան բաները խորհի նե պարտը ունեցողները չբանա արկվին։
— Դուն ալ պարտք ունեցողներո՞ւն ատենապետն ես, ինչ ես։
— Ատենապետը չեմ, բայց այս երկրին համար ատ օրենքը իմ աչքիս խիստ կերևա կոր։
— Պարտք ունեցողները փառավոր տուներու մեջ, պալատներո՞ւ մեջ դնենք, ի՞նչ ընենք։
— Արդարությունը այդպես կը պահանջե, քանի որ իրենք ո՛չ հեղինակ են, ո՛չ ալ պատասխանատու այդ հանցանքին, որու համար կը պատժվին։ Մնաք բարով։
— Երթաք բարով։
ԽԻԿԱՐԻՆ ՀՈԳԱԲԱՐՁՈՒԹՅՈԻՆԸ
— Խիկար, հոգնած կերևաս կոր։
Այո, Պոլսո բոլոր թաղերը պտտեցա, որ դպրոց մը գտնամ