հայտնել, մեր ձեռքը մեր խղճին վրա դնելով, թե մեր պարտականությունն անթերի կատարեցինք։
Երկրորդ անգամ կաղաչեմ, վերուցե՛ք սա խիղճը, քաշեցե՛բ ձեր ձեռքն, որ զիրար հասկնանք։
Ազգային վարժարանները բարեկարգության ճամբուն մեջ կրնայիք դնել և չդրիք։
Դասատվաց ապագան երաշխավորելու միջոցներ կրնայիք ձեռք առնուլ և չառիք։
Երուսաղեմի վանուց կանոնագիրն կարող էիք ազգին շահավոր պայմաններով բարեփոխել և չբարեփոխեցիք։
Ազգային վանքերը լուսո վառարաններու վերածելու համար քիչ մը կրնայիք խորհիլ և չխորհեցանք.
Գավառաց խնդիրներով կրնայիք քիչ մ՝ավելի զբաղիլ և չզբաղեցաք։
Ապագա կաթողիկոսական ընտրության խնդիրն կրնայիք սեղանի վրա դնել և չդրիք և դնելու միտք ալ չունիք։
Կրնայիք դեռ շատ բաներ ընել և չըրիք։
Ինչո՞ւ:
Վասնզի ձեր մեկ ձեռքը ձեր խղճին վրա է և դժբախտաբար աջ ձեռքն է կարծեմ, և մեկ ձեռքով, ան ալ ձախ ձեռքով, ասկից ավելի ձախորդ գործ չտեսնվիր։
Դուք ալ հիմա մեզի հարցուցեր։
— Շատ լավ, մենք ոչինչ կրցանք ընել, դուք անհատաբար ի՞նչ բարիք կրցաք ընել ազգին։
Սանասարյանց 8 վարժարանն ամենայն կանոնավորությամբ կը հարատևե։
Սկյուտարի մեջ Պերպերյան և Մեզպուրյան էֆենտիներ, Միջագյուղի մեջ Գուրգեն էֆենտիի կուրծք տալով ամեն զոհողությանց, ազգին օգտակար անդամներ կընծայեն և կրնան կանգուն պահել հաստատություններ, որոց նմանն կանգնելու համար այնքան դժվարություններ կը քաշե ազգը և կործանելու համար այնքան տրամադրություն ունի։
Դասատուները՝ գիտնալով հանդերձ թե անդունդի մեջ է իրենց ապագան՝ կը շարունակեն այս ջամբել մեր զավակաց։
Ազգային հեղինակներն առանց ամենափոքր քաջալերության կը շարունակեն ազգային գրականությունն ծաղկեցնելու տաժանելի
