երկուքնիդ ալ ճերմակ քարերով խաղացեք էֆենտիմ, ըսավ անդիեն նարտ չգիտցող ծերունի մը։
Լրագրի մը մեջ բերկրությամբ սրտի կարդացի, թե Սերպիո կառավարությունը տուրք դրած է կեղծոռիկներու վրա։
Հայտնի է, թե կեղծոռիկն որքան մեծ ըլլա տուրքն ալ այնքան կը մեծնա։
Ստացանք Տեմիրճիպաշյանի Գաղ-հայ գրպանի բառարանն, որ կը պարունակե 25000 բառ։ Գին 12 դահեկան։
Ահա գրպանի բառարան մոր ամեն գրպաններու կը հարմարի, թե՛ յուր գնով և թե՛ յուր պարունակությամբը։
Նույնպես ընդունեցանք Տ․ Կամսարականի Վարժապետին աղջիկը։ Գին 12 դահեկան։ Հարկ չկա հիշելու, թե որքան քաջալերության արժանի է երիտասարդ և տաղանդավոր վիպասանը։
Ք. Տեր Վրթանեսյանե աշխատասիրյալ տետրակ մը ստացանք։ Տետրակին վրա դրված է.
ԴՊՐՈՑԱԿԱՆ ԿԱՐԳԱՊԱՀՈԻԹՅՈԻՆ
Ուսուցչաց և ուսուցչուհյաց համար
Ինչ որ կը հաստատե, թե աշակերտներեն ավելի մեր ուսուցիչներն և ուսուցչուհիները կարոտ են կարգապահություն սորվելու։
Տետրակին վրա դրված է նաև, թե «Առանց կարգապահութեան դպրոցը կը նմանի ջուր չունեցող ջրաղացիս։
Արդարև, վարժարանաց մեջ կարգապահության պետքը ավելի ճիշտ նմանությամբ կարելի չէր բացատրել։
Գին 3 և կես դահեկան։
Այնքան համեստ գին մ՝որ շարժեր անկարգապահ ըլլալ։
Շատ մեծ ուրախությամբ լսեցինք, թե ազգային Պատրիարքարանը մայրաքաղաքիս մեջ գտնվող վարդապետները վանքերը պիտի ղրկե ըստ վաղեմի սովորության, և միայն մեծ պահոց մեջ մայրաքաղաքս պիտի կանչե զանոնք, որ եկեղեցյաց մեջ հոգեշահ քարոզներով ժողովուրդը մխիթարեն։
Ժողովրդյան կողմե մեծ խնդությամբ պիտի ընդունվի Պատրիարքարանի այս որոշումն, որ այլուստ կը ձգտի բարեկարգել զարգացնել և լուսավորել այդ սուրբ ագարակները։