խնդիրք: Լրագրաց մեջ ծանուցումն կընենք մինչև որ զայն ալ գտնենք։ Այս միություններով ուրեմն նախ կը կշռենք, կը չափենք ընտրեալներն և պահանջված քանակություն ունեցող անձերը միայն երեսփոխան կընդունինք։ Չմոռնանք սակայն սա կետը, թե պահանջվածը արժանյաց քանակություն է և ոչ մարդու. օրինակի համար, կրնա պատահիլ, որ անձ մը պահանջված արժանյաց մեկ ութերորդը ունենա, երկրորդ մը երեք քառորդ և երրորդ մը երեք հինգերորդ արժանիք ունենա, այսպես.
|
Նախ կոտորակ երեսփոխանները հասարակ հայտարարի վերածեցի և հետո գումարելով զանոնք տեսա թե այդ երեք կոտորակ երեսփոխաններուն արժանիքն Է 1 19/40 երեսփոխան։
Արդ, այս երեք անձերը լի ու լի իրավունք ունին 1 19/40