Այս էջը սրբագրված է
ԹՈՎՄԱՍ
Շատ աղեկ, երթամ բերեմ, Կիրակոս... Կիրակոս... Կիրակոս. աս տղան ալ միշտ կը քնանա. (Բարձրաձայն) Կիրակ...
ԿԻՐԱԿՈՍ
Ի՞նչ կա... ի՞նչ կա...
ԹՈՎՄԱՍ
Ետևես եկուր, մառանը իջնանք գինի բերենք:
ԿԻՐԱԿՈՍ, մեկուսի
Գիշեր ատեն գինի, աս գինեմոլն ալ ուրկե ելավ:
ԹԱՓԱՌՆԻԿՈՍ
Գավաթ առնելու չմոռնաք, կում մալ։
ԹՈՎՄԱՍ
Աղեկ, աղեկ։ (Կերթան):
ՏԵՍԻԼ Դ.
ԹԱՓԱՌՆԻԿՈՍ, ՍՈՖԻ
ՍՈՖԻ, խնդալով
Խելքդ սիրեմ։
ԹԱՓԱՌՆԻԿՈՍ
Ակռադ սիրեմ:
ՍՈՖԻ
Ի՞նչ վարպետություն բանեցնելու է, որ կարենանք այս գիշեր պարահանդես երթալ, զինքը պառկեցնել անհնարին է. քովես բաժնվիլ չուզեր։
ԹԱՓԱՌՆԻԿՈՍ
Գինի կը խմե՞։
ՍՈՖԻ
Կերակուրի ատեն միայն գավաթ մը...