Այս էջը սրբագրված է
ՍՈՖԻ
Ես չեմ ճանչեր, կը սխալիք, պարոն Թափառնիկոս, հոգվույս պես կը սիրեմ զքեզ, (Ցատկոտելով) պարահանդեսի մեջ...
ՏԵՍԻԼ Դ.
ՆՈԻՅՆՔ և ԹՈՎՄԱՍ շիշ մը, կոնք մը և
գավաթներ բերելով
ԹՈՎՄԱՍ
Ա՞ս ինչ պիտի ըլլա, տիկինը կը պարե:
ԹԱՓԱՌՆԻԿՈՍ
Ես հրամայեցի, որ քիչ մը ցատկոտե, որպեսզի... այսինքն... ըստ որում... որովհետև... իբր թե... արյունը տաքնա և ցավը... պաղի։
ԹՈՎՄԱՍ
Կարծեցի որ ցավեն խելքը փախուց... ցատկոտե , տիկին, ցատկոտե, որովհետև բժիշկը այնպես կը պատվիրե։
ՍՈՖԻ
Հոգնեցա։
ԹԱՓԱՌՆԻԿՈՍ
Բա՛վ է, ալ մի՛ ցատկեր, որ վերջն ալ պիտի ցատկոտես (Մեկուսի) պարահանդեսի մեջ։
ԹՈՎՄԱՍ
Ահա գինին, քամակը և կոնքը բերի։
ԹԱՓԱՌՆԻԿՈՍ
Տվեք... տիկինին պիտի տամ, որ բերանը լվա, (Լեցնելով) բերաննիդ լվացեք, տիկին... այսինքն ակռաներդ։