Այս էջը սրբագրված է
ԹԱԴԵ
Ի՞նչ ըսել է, մեկը իր եղբայրը չճանչնա՞ր:
ԱՐՇԱԿ
Դուք որի՞ համար կը խոսիք։
ԹԱԴԵ
Թերեզային համար, հապա դուն ո՞վ կարծեցիր:
ԱՐՇԱԿ
Ես Սոֆիին համար...
ԹԱԴԵ
Սոֆի՞ին համար։
ԱՐՇԱԿ
Այո՛:
ԹԱԴԵ
Մեկ աղջիկը քանի՞ հոգի կառնե. Սոֆին ես պիտի առնեմ:
ԱՐՇԱԿ
Դո՞ւն պիտի առնես:
ԹԱԴԵ
Այո՞:
ԱՐՇԱԿ
Ոհ, հայր իմ, ասիկա զիս մեռցնել ըսել է:
ԹԱԴԵ
Լռե, գիտցիր, որ փիլիսոփա մը գիտե ինչ ընելիքը:
ԱՐՇԱԿ
Ո՜հ, բանաստեղծ մը չկրնար դիմանալ, որ...
ԹԱԴԵ
Դեռ կը խոսի՞ս, ապերախտ:
