Այս էջը սրբագրված է
ԱՐԱՐՎԱԾ ԵՐԿՐՈՐԴ
Հովսեփա տանը գավիթը
ՏԵՍԻԼ Ա.
ՏԻԳՐԱՆ, ՍՈՖԻ դրան առջև կեցած
ՏԻԳՐԱՆ
Բայց չորս կողմդ նայե, չըլլա որ մեզ մտիկ ընող մը ըլլա:
ՍՈՖԻ
Հանգիստ եղիր, սիրելիս, ես կը նայիմ։
ՏԻԳՐԱՆ
Ահա այսպես, Սոֆի, հորդ մերժողական պատասխաններ[1] ստիպեցին զիս ուրիշ միջոցներու դիմել քու հայրդ կակուղցնելով քեզի[2] հետ ամուսնանալու համար։
ՍՈՖԻ
Բայց և այնպես կրնա ըլլալ, որ այս միջոցը շատ սուղի նստի մեզի, որովհետև հայրս քանի մօրե ի վեր այնչափ տխուր է, որ կը վախնամ թե՝ մի գուցե այս տխրությունը մահ պատճառե իրեն:
ՏԻԳՐԱՆ
[3]Ո՜հ, մի վախնար, կամաց կամաց կը վարժվի ատիկա, և թե որ կուզե այս զատեն ազատիլ...