Էջ:Hagop Baronian, Collected works, vol. 1 (Հակոբ Պարոնյան, Երկերի ժողովածու, հատոր 1-ին).djvu/267

ՀՈՎՍԵՓ

Մտիկ ընելու ժամանակ չունիմ, խարդախ, խաբեբա։

ՏԻԳՐԱՆ

Հետս տեսնվիլ ուզեր եք:

ՀՈՎՍԵՓ

Ես քու լարած որոգայթներուդ չեմ բռնվիր, դուն ինձի աղեկ նայե։

ՏԻԳՐԱՆ

Գթություն։

ՀՈՎՍԵՓ

Գթություն չունիմ ես, այս կերպերով զիս համոզել կաշխատիս, որ բերնես խոսք առնես: Դատս քաղաքին մեջ ամենեն երևելի փաստաբանի մը հանձնեցի. այդ ստության հեղինակը կախել պիտի տամ, կախելեն վերջն ալ գլուխը պիտի կտրեմ, և կամ նախ գլուխը պիտի կտրել տամ և ապա կախել պիտի տամ. կախելեն վերջն ալ վեց տարի բանտը դնել պիտի տամ^[1]։

ՏԻԳՐԱՆ

Բայց...

ՀՈՎՍԵՓ

Աղջիկս անանկ մեկը գտավ, որ այս դատը գլուխ պիտի հանե, և աղջիկս ալ անոր պիտի տամ։

ՏԻԳՐԱՆ

Այն մարդը հոս չպիտի՝ գար։

ՀՈՎՍԵՓ

Այո՛, եկա՛վ, գնաց։

ՏԻԳՐԱՆ, մեկուսի

Ի՞նչ կը դառնա, չեմ գիտեր^[2].

1. սկզբում՝ պիտի դնել տամ
2. [(Մեկուսի) ե՞րբ գնացի]