Այս էջը սրբագրված է
ՕԳՍԵՆ, հրելով Պաղտասարը
Խնդիրը քեզմե ելած է, դուն մի՛ խառնվիր մեր գործին։ (Առ Կիպար) Դուրս պիտի ելնեք, եթե ոչ...
ՊԱՂՏԱՍԱՐ, առ Կիպար
Քիչ մը դուրս ելիր, նայինք, ի՞նչ պիտի ընե...:
ԿԻՊԱՐ, հրելով Պաղտասարը
Դուրս պիտի չելնեմ բնավ և կը հրամայեմ, որ դուն ելնես դուրս...։
ՕԳՍԵՆ
Հիմա իմաց կուտամ առ որ անկ է։
ԿԻՊԱՐ
Երթաս բարով։
Պաղտասար մեյ մը Կիպարին և մեյ մը Օգսենին կերթա և խոսիլ կուզե մեջերնին համաձայնություն գոյացնելու համար, և երկուքեն ալ հրվելով կը մերժվի սույն տեսիլին մինչև վերջը:
ՕԳՍԵՆ
Ի պարտ ու պատշաճ տնօրենություն։
ԿԻՊԱՐ
Կռնակդ տեսնեմ։
ՕԳՍԵՆ
Հետևաբար և բնականաբար, հետևանքն չկրնար նպաստավոր ըլլալ քեզի համար։
ԿԻՊԱՐ
Բարեկամիս կինն առանձին ձգելու եմ եղեր մեր մեծապատիվ փաստաբանին հետ։