ԱՐԱՐՎԱԾ ԵՐԿՐՈՐԴ
Թատրոնը կը ներկայե միևնույն սրահն: Աջ կողմը սեղան մը՝ կանաչ ասվիյով ծածկված ու պզտիկ զանգակ մը, կաղամար, թուղթ և գրիչ դրված են սեղանին վրա:
ՏԵՍԻԼ Ա.
ՊԱՂՏԱՍԱՐ հետո ՕԳՍԵՆ
ՊԱՂՏԱՍԱՐ
Կինս անհավատարիմ գտնված է յուր պաշտոնին մեջ յուր անհավատարմությունն հաստատված է. հետևաբար և բնականաբար հարկ է որ բաժնվինք իրարմե և ըստ օրինի արտոնեք զիս ուրիշ կին մառնելու: Կինս անհավատարիմ գտնված է յուր պաշտոնին մեջ. յուր անհավատարմությունն հաստատված է. հետևաբար և բնականաբար հարկ է որ բաժնվինք իրարմե և ըստ օրինի արտոնեք զիս ուրիշ կին մառնելու։ Կինս անհավատարիմ գտնված է յուր պաշտոնին մեջ. յուր անհավատարմությունն հաստատված է. հետևաբար և բնականաբար հարկ է որ բաժնվինք իրարմե և ըստ օրինի արտոնեք զիս ուրիշ կին մառնելու։ Ահա Դատաստանական Խորհրդո առջև իմ ընելիք խոսքերս, ո՛չ բառ մավելի, ո՛չ բառ մը պակաս, այսինքն՝ կինս անհավատարիմ գտնված է յուր պաշտոնին մեջ. յուր անհավատարմությունն հաստատված է. հետևաբար և բնականաբար հարկ է որ բաժնվինք իրարմե և ըստ օրինի...։
ՕԳՍԵՆ, մտնելով
Դատաստանական Խորհրդո անդամներն տեսա, դեպի հոս կը հառաջանան. դասդ աղեկ սորվեցա՞ր։