Էջ:Hagop Baronian, Collected works, vol. 1 (Հակոբ Պարոնյան, Երկերի ժողովածու, հատոր 1-ին).djvu/356

մեր խոհանոցեն ալ բան մը չլսվիր որ... ո՞վ մարեցավ... չըլլա՜ որ տիկինը մարի... ո՞ւր է տիկինս... տիկինս ո՞ւր է... ինչո՞ւ չես պատասխաներ, տիկինս կուզեմ ես...

ՊԱՂՏԱՍԱՐ

Գլուխդ փարատի տիկինդ։

ՍՈՂՈՄԵ

Ո՞ւր է տիկինը։

ՊԱՂՏԱՍԱՐ

Գործդ գնա՛, հիմա ոտքիս տակը կառնեմ գլուխդ ու գիդ կը հանեմ:

ՍՈՂՈՄԵ

Բան մ՝ալ չես կրնար ընել։

ՊԱՂՏԱՍԱՐ

Խոհանոցդ գնա՛ ու գործդ նայե՛։

ՍՈՂՈՄԵ

Ո՛չ:

ՊԱՂՏԱՍԱՐ, բարձրաձայն

Խոսքս մտիկ պիտի ընես թե ոչ։

ՍՈՂՈՄԵ, պոռալով

Չե՞ս խպնիր, չե՞ս ամչնար...։

ՏԵՍԻԼ է.

ՆՈԻՅՆՔ և ՓԱՅԼԱԿ, ԵՐԿԱԹ, ՍՈԻՐ, ԿԻՊԱՐ, ԱՆՈԻՅՇ

ՍՈԻՐ

Ի՞նչ եղաք նորեն...

ՍՈՂՈՄԵ

Անգամ մը գլխուդ մազերուն ճերմակությանը նայե՛...

ՓԱՅԼԱԿ

Ի՞նչ պատահեցավ։